सिजपको अध्यक्षमा तिलोत्तम पौडेल सर्वसम्मत निर्वाचित
बालबालिका शान्तिक्षेत्र राष्ट्रिय अभियान (सिजप) को नवौँ वार्षिक साधारणसभाले अधिकारकर्मी तिलोत्तम पौडेलको अध्यक्षतामा १५ सदस्यीय नयाँ कार्यसमिति चयन गरेको छ।
नवनिर्वाचित कार्यसमितिको उपाध्यक्षमा हेमराज जोसी र कुमारी ममता झा, महासचिवमा राजु घिमिरे, र कोषाध्यक्षमा सम्झनाकुमारी मल्ल निर्वाचित हुनुभएको छ । प्रदेश प्रतिनिधित्वअनुसार कार्यसमितिका सदस्यहरूमा: कोशीबाट गीता अधिकारी, मधेशबाट सञ्जयकुमार कुशवाहा, बागमतीबाट शिवप्रसाद खकुरेल, गण्डकीबाट केशवप्रसाद पौडेल, लुम्बिनीबाट शिवलाल पाण्डे, कर्णालीबाट केशव आचार्य र सुदूरपश्चिमबाट गीताकुमारी रावल निर्वाचित हुनुभएको हो ।
खुलातर्फका सदस्यमा पिङ्की सिङ राणा, शान्ताकुमारी दाहाल र कुन्जनी परियार प्यासी चयन हुनुभएको छ ।
मंगलबार राजधानीमा सम्पन्न अधिवेशनबाट सर्वसम्मत रूपमा अध्यक्षमा चयन हुनुभएको पौडेलले बालबालिकालाई परिरहेको नयाँ चुनौतीसँग सामना गर्न सिजपले अभियानलाई अझ सशक्त बनाउने बताउनु भयो । उनले नयाँ कार्यसमितिमा सातै प्रदेश र समावेशी प्रतिनिधित्व भएकाले अभियानलाई विस्तार र प्रभावकारी बनाउन सहज हुने विश्वास व्यक्त गर्नुभएको छ ।
